Молитвы

MОЛИТВЫ:
Молитвословия за Трапезой


Молитвословия за Трапезой

Молитвы перед трапезой

1) Молитвословие
Завтрак: “Очи всех на Тя, Господи, уповают, и Ты даеши им пищу во благовремении, отверзаеши Ты щедрую руку Твою и исполняеши всякое животно благоволения.”
Обед: “Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.”
Ужин: “Ядят убозии, и насытятся, и восхвалят Господа взыскающии Его, жива будут сердца их в век века.”

2) Общая часть
“Слава Отцу и Сыну и Святому Духу, и ныне и присно и во веки веков. Аминь.” [Поклон] “Господи, помилуй. Господи, помилуй. Господи, помилуй.”

3.а) Без священника
(Если трапезуют только миряне, то сам читающий молитву, обычно старейший, не благословляя трапезы, произносит)
Все: “Господи, благослови.” [Поклон]
“Молитвами святых отец наших, Господи Иисусе Христе Сыне Божий, благослови ястие и питие рабом Твоим, яко Свят еси, всегда, ныне и присно, и во веки веков.”
Все: “Аминь.”

3.б) В присутствии священника
(Священник читает молитву и благословляет трапезу)
Все: “Благослови.” [Поклон]
Священник: “Христе Боже, благослови ястие и питие рабом твоим, яко Свят еси всегда, ныне и присно, и во веки веков.”
Все: “Аминь.”

Молитвы после трапезы

1) Молитвословие
Завтрак и Обед: “Благодарим тя, Христе Боже наш, яко насытил еси нас земных твоих благ, не лиши нас и небеснаго твоего царствия. Но яко посреде учеников твоих пришел еси Спасе, мир даяй им, прииди и к нам, и спаси нас.”
Ужин: “Бысть чрево Твое Святая Трапеза, имущая Небеснаго Хлеба, Христа Бога нашего, от Негоже всяк ядый не умирает, якоже рече всех, Богородительнице, Питатель. Честнейшую херувим, и славнейшую без сравнения серафим, без истления Бога Слова рождшую, сущую Богородицу Тя величаем. [поклон] Возвеселил ны еси, Господи, в творениих Твоих, и в делех руку Твоею возрадуемся. Знаменася на нас свет лица Твоего, Господи, дал еси веселие в сердце моем, от плода пшеницы, вина и елея своего умножишася. В мире вкупе усну, и почию, яко Ты, Господи, единаго на уповании вселил мя еси.”

2) Общая часть
“Слава Отцу и Сыну и Святому Духу, и ныне и присно и во веки веков. Аминь.” [Поклон] “Господи, помилуй. Господи, помилуй. Господи, помилуй.”

3.а) Без священника
Все: “Господи, благослови.” [Поклон]
“Молитвами святых отец наших, Господи Иисусе Христе Боже наш, помилуй нас.”
Все: “Аминь.”

3.б) В присутствии священника
Все: “Благослови.” [Поклон]

Завтрак: Священник: “С нами Бог Своею благодатию и человеколюбием, всегда, ныне и присно, и во веки веков.”
Обед: Священник: “Благословен Бог милуяй и питаяй нас от Своих богатых даров, Своею благодатию, и человеколюбием, всегда, ныне и присно, и во веки веков.”
Ужин: Священник: “С нами Бог Своею благодатию и человеколюбием, всегда, ныне и присно, и во веки веков.”

Все: “Аминь.”